Объявление генеральной прокуратуры Республики Армения

Հարգելի գործընկեր, հայրենակից

Ձեզ եմ ներկայացնում Հայաստանի Հանրապետության գլխավոր դատախազության 2012 թվականի օգոստոսի 1-ի թիվ 7/4-120-12 հաղորդումն, ըստ որի ՀՀ ազգային անվտանգության մարմիններում քննվող գործերով վարչությունում ուսումնասիրվել և ամփոփվել է 2010-2011թթ.

ընթացքում ապօրինի սահմանահատման դեպքերով նյութերի նախապատրաստման, քրեական գործերի նախաքննության նկատմամբ իրականացված դատախազական հսկողության և մեղադրանքի պաշտպանության վիճակը, որի արդյունքում արձանագրել են, որ սփյուռքում բնակվող մեր հայրենակիցների շրջանում մեծ թիվ են կազմում նրանք, ովքեր Հայաստանի անկախացումից հետո, երկրի կայացման ընթացքում առաջացած գործազրկությունից, ծանր սոցիալ-տնտեսական իրավիճակից խույս տալու համար, ընտանիքի գոյությունը պահպանելու, աշխատանք գտնելու նպատակով, Հայաստանը լքել են այս կամ այն զարթուղի ճանապարհներով, ասենք կեղծ անձնագրերի, հրավերների օգտագործմամբ ժամանակավորապես հանգրվանել են եվրոպական երկրներում, կամ ԱՄՆ-ում, որտեղ նույնպես հաջողության չեն հասել, սակայն խուսափում են վերադառնալ, կամ ընդհանրապես այցելել հայրենիք քրեական պատասխանատվության ենթարկվելու մտավախությունից: Նման անձանց մոտ այդ մտավախության ամրապնդմանը նպաստում է նաև օրենքի չիմացությունը, համաձայն որի, դեպքերի մեծամասնության համար նույնիսկ անցած են լինում քրեական պատասխանատվության ենթարկելու վաղեմության ժամկետները, կամ հանցավոր արարքի կատարումից հետո ՀՀ ԱԺ համաներման ակտերի ընդունված լինելու հանգամանքը, որը նույնպես բացառում է քրեական պատասխանատվությունը:Առաջարվել է հաղորդումը քննության առնել և ձեռնարկել միջոցառումներ, որոնք կխթանեն նախկինում ՀՀ պետական սահմանն ապօրինի հատած և օրենքի խախտմամբ արտասահմանում բնակություն հաստատած մեր հայրենակիցների վերադարձը:

1) Իրազեկել արտասահմանում բնակվող մեր հայրենակիցներին, որ նախկինում, ինչ-ինչ հանգամանքներից ելնելով, այլ անձանց կենսորոշիչ տվյալներով արտասահմանյան պետություններում փաստաթղթավորված անձինք, որոնք հայրենիք վերադառնալու ցանկություն ունեն, սակայն խուսափում են դա անել քրեական պատասխանատվության ենթարկվելու մտավախությունից, ՀՀ ժամանելու դեպքում չեն ենթարկվի քրեական պատասխանատվության, եթե նրանց կենսորոշիչ տվյալների փոփոխությունը չի կատարվել միտումնավոր, այլ հանցագործության կատարման պատճառով քրեական պատասխանատվությունից խուսափելու նպատակով:

2) Նույն անձանց իրազեկել նաև այն մասին, որ քրեական պատասխանատվության չեն ենթարկվի ցանկացած դեպքում, եթե անցել են քրեական պատասխանատվության վաղեմության ժամկետները, կամ դեպքը տեղի է ունեցել ՀՀ ԱԺ համաներման ակտից (ՀՀ Ազգային Ժողովի 26.05.2011թ. «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» ԱԺՈ-277-Ն որոշում) առաջ:

3) Քրեական պատասխանատվության չեն ենթարկվի, հարուցված քրեական գործերը կկարճվեն այն անձանց նկատմամբ, ովքեր հետախուզվում են ՀՀ քր. օր-ի 327-րդ հոդվածի և 329-րդ հոդվածի 1-ին մասի համակցությամբ, ժամկետային զինվորական ծառայությունից խուսափելու և պետական սահմանն ապօրինի հատելու համար առաջադրված մեղադրանքով, սակայն վերադառնալով հայրենիք կզորակոչվեն ժամկետային զինվորական ծառայության, իսկ 27 տարին լրացած անձինք կվճարեն սահմանված կարգի խախտմամբ սահմանված գումարը և կազատվեն քրեական հետապնդումից:

Խնդրում եմ Ձեր աջակցությունը փաստաթղթի մասին մեր հայրենակիցներին իրազեկելու հարցում:

ԱՊՀ երկրների հայ համայնքների

վարչության պետ

Անդրանիկ Արշակյան

• "За рулем армяне" - Music Hayk
• "За рулем армяне" - Аветик Петросян
• "За рулем армяне" - Артур Мартиросян
• "За рулем армяне" - Григорян Виген, Хачатрян Мигран
• "За рулем армяне" - Спортсмены-армяне из Самары